Ég er á lífi

Afmælið er búið og strákarnir farnir heim. Ég er ennþá með suð í eyrunum.....

Þetta gekk annars bara vel, pöntuðum pizzu, súkkulaði –grettis– kaka í eftirmat (förum ekkert nánar út í skreytinguna á þeirri köku ) og ís. Pakkaleikur – brjálað stuð – og svo fengu allir nammipoka með sér heim. Fjúff, ég þakkaði guði fyrir að hafa hætt við að hafa þetta í 3 tíma, 2 tímar eru yfirdrifið

Feðgarnir sitja núna afvelta í sófanum og horfa á Star Wars, þeir herma eftir karakterunum inn á milli og berjast með geislasverðum  Grétar fór líka í körfubolta við strákana áðan, þeir fengu allir að vera á móti honum og það var sko barist hehe..... ég vona að hann fái ekki í bakið eftir þetta – ekkert rosalega gott að vera með nokkra sjö ára stráka hangandi í sér

Jæja, en þá get ég farið að hugsa um Flórída Þarf að fara að finna ferðatöskur og bikiní. Ohhh ég hugsa um Flórída á hverjum einasta morgni þegar ég fer út að skafa bílinn, brrrr. Get ekki beðið.....

-rannsa-

Jæja, þá eru prófin búin og mér gekk bara vel Það er alveg passalegt að fara bara í tvö próf og hafa viku á milli þeirra. Mjög gott !

Ég kláraði tvær prófbækur í þessum prófum. Í tilraunadýrum hefði ég getað skrifað aðra prófbók en ég varð víst að takmarka mig við 3 tíma. Í aðferðum í sameindalíffræði hefði ég alveg þegið auka hálftíma til að hala inn stigum hér og þar.... en svona í heildina er ég bara mjög sátt !

Í gær og í dag var ég að ganga frá mastersverkefninu mínu svo ég geti farið með góða samvisku til Flórída á mánudaginn Á morgun ætla ég að vera í fríi, baka köku og halda 7 ára afmæli. Þið kannski kveikið á kerti fyrir mig á morgun kl 6 og hugsið fallega til mín. Til að halda 7 ára strákaafmæli þarf ég á öllum ykkar auka styrk að halda....8I

Á jólunum er alltaf tvennt sem poppar upp í hugann á mér sem mér finnst óþolandi ! Í fyrsta lagi eru það öll skiltin með jólatréssölunni......Það er eins gott að vera fljótur og ná þessu eina tré sem þeir eru að selja ! Í ár er reyndar búið að breyta þessu á mörgum stöðum, Góð þróun þar Annað sem pirrar mig mjög mikið er jólalagið “Heima um jólin” sem Björgvin Halldórsson syngur. Ekki kannski lagið sjálft, heldur íslenski textinn sem er einhvernveginn svona: “.....hafðu heitt, allt húsið skreytt og gjöf á vísum stað.....” Mér finnst þetta vera svo frekjulegt – að hafa þetta allt í boðhætti og heimta að þetta verði allt tilbúið þegar hann kemur heim, eins og konan hans sé einhver þræll fyrir hann Í enska textanu segir hann þó allavega “please” !!

Jæja, best að fara að baka grettisköku HJÁLP

-rannsa-

Ég var víst búin að lofa Halldóru að setja þetta hér inn.

Þetta er svona eins og í minningarbókunum í gamla daga

Have fun....

1. Miðnafnið þitt:
2. Aldur:
3. Single or Taken:
4. Uppáhalds bíómynd:
5. Uppáhalds lag:
6. Uppáhaldshljómsveit:
7. Dirty or Clean:
8. Tattoo eða göt:
9. Þekkjumst við persónulega?
10. Hver er tilgangurinn með lífinu?
11. Myndirðu bakka mig upp í slagsmálum?
12. Myndirðu þaga yfir leyndarmáli ef það skipti mig máli?
13. Besta minningin þín um okkur?
14. Myndir þú gefa mér nýra?
15. Segðu eitthvað skrýtið um þig:
16. Myndir þú hugsa um mig ef ég væri veik?
17. Getum við hist og bakað köku?
18. Hefurðu heyrt kjaftasögu um mig nýlega?
19. Talaru eða hefurðu talað illa um mig?
20. Finnst þér ég góð manneskja?
21. Myndir þú keyra með mér hringinn í kringum landið?
22. Hverju myndiru vilja breyta í mínu fari?
23. Kæmiru í heimsókn af tilefnislausu, bara til að chilla?
24. Ef ég ætti einn dag ólifaðann, hvað myndum við gera?
25. Ætlaru að setja þetta á þína síðu svo ég geti fyllt þetta út?

Sko, ég er búin að segja það marg oft að ég er enginn bloggari ! Ég er hætt að afsaka mig

Annars er bara allt í fína lagi hjá mér, ef þið voruð eitthvað að velta því fyrir ykkur ! Mitt líf gengur út á að smyrja nesti á morgnanna, koma mér í skólann, læra, elda og sofa. Svo byrja ég næsta dag á því að smyrja nesti......

Við Grétar gerðum okkur nú samt dagamun í gær og kallinn bauð mér á Bond. Hann keypti miða í vinnunni fyrir helgi en sagði mér ekki frá því fyrr en kl 4 í gær. Þá átti eftir að redda pössun !! Þessir kallar sko..... En mamma reddari reddaði því

Já, Bond. – ég fór nú eiginlega með hangandi haus inn í bíósalinn. Var engan veginn að nenna að horfa á svona löggu-bófa skammbyssu mynd. Heyrðu, svo bara kom hún svona líka á óvart ! Kallinn bara hörku kroppur og allt  Ég var búin að sjá svo ógeðslega mikið af trailerum úr þessari mynd að ég hélt að ég væri búin að sjá alla myndina. En þessir trailerar eru allir úr fyrsta atriðinu, og þá er öll myndin eftir ! En það eru einmitt svoleiðis myndir sem ég þoli ekki (svona eins og fyrsta atriðið). Einhver eltingarleikur um byggingarsvæði, wow ekkert smá kúl – pause – NOT !

Talandi um pásur, eru ekki allir örugglega búnir að sjá Borat ???

Ekki þú ??? Hunskastu á hana eins og skot ! Þessi mynd lengir lífið um svona 15 ár ! Ég er ennþá að fá hlátursköst upp úr þurru, samt eru tvær vikur síðan ég sá hana.

Í fyndnasta atriði myndarinnar gat ég ekki hlegið meira. Ég varð að loka augunum til að ná andanum ! Það sem þessum manni dettur í hug

Jæja, ætli maður verði ekki að gera eitthvað gáfulegt – prófin nálgast allt of hratt !

-rannsa-

Afsakið langa pásu !

Það er bara búið að vera brjálað að gera hjá mér. Allavega nógu brjálað til þess að ég nenni ekki að setjast fyrir framan tölvuna á kvöldin.

Skólinn:

•       Er að gera brjálæðislega erfitt verkefni í aðferðum í sameindalíffræði. Gildir 30% af lokaeinkunn svo það er eins gott að standa sig. Við eigum að skila uppkasti 20.okt þannig að við höfum verið að spýta í lófana.

•      Tilraunadýrin eru alltaf jafn skemmtileg. Í síðasta tíma vorum við með rottur og naggrísi. Rotturnar komu skemmtilega á óvart – þannig að ekki láta ykkur bregða næst þegar ég segi frá óvenjulegu gæludýri

•       Verkefnið mitt er loksins að komast á skrið, allavega komið á næsta stig í planinu. Alltaf gaman að gera eitthvað nýtt. Ég var til sjö í gærkvöldi (á föstudagskvöldi nb.) að einangra DNA úr bakteríunum mínum. Voða sport Kennarinn minn hafði aldrei gert þetta þannig að ég hafði engann til að hjálpa mér. Við hlógum bara saman eins og vitleysingar og reyndum að ráða fram úr þessu. Það tókst nú vonandi – gekk allavega betur en ég þorði að vona.

•          Ég byrjaði í kór á þriðjudaginn  Kvennakór Háskólans. Erna Karen var í þessum kór í fyrra (og er núna) og ég smitaðist af henni. Var gjörsamlega farin að þrá að syngja í kór. Ohhh það er svo gaman Svo ætla líka kannski fleiri að vera með, Guðrún Lilja og Halldóra. Vei vei, það verður sko stuð hjá okkur í vetur !  

•         Ég er ógeðslega einmanna í Öskju  Ég er oftast ein á rannsóknarstofunni minni, það er reyndar einn mastersnemi þar í viðbót en hann er svo sjaldan uppí skóla. Annars er þetta bara ég og kennararnir Maður er ekki alveg að mingla við þá eins og jafnaldra sína ! Ég hitti stelpurnar sem eru í Öskju örsjaldan því þær eru í tímum en ég uppi á rannsókn. Ef þið eruð ekki búin að lesa úr skilaboðunum þá er ég að biðja um hádegisboð Ég er laus öll hádegi nema mánudaga ! Endilega hringið í mig.

Heima:

•        Gabríel vaknaði með hita í morgun  Ég sofnaði með honum í gærkvöldi eftir kvöldlesturinn en rumskaði þegar Grétar pikkaði í mig og sagði að það væri örugglega betra að fara úr lopapeysunni Þegar ég var búin að hátta mig ætlaði ég að færa Gabríel yfir í sitt rúm en snarhætti við þegar ég fann hvað hann var heitur. Hann hefur örugglega verið með hátt í 40 stiga hita í nótt því í morgun þegar hann vaknaði var hann með 38,5. Akkúrat núna kúrir hann steinsofandi uppí sófa með pabba sínum, alveg búinn á því greyið litla.

•         Grétar var uppí Marel í dag að kynna sitt skrítna áhugamál. Fór með kíki og leyfði fólki að kíkja í gegn. Það voru einhverjir fleiri með svona skrítin áhugamál, köfun, flugmódel, bogfimi o.fl. en lengsta röðin var hjá Grétari og hann komst ekki heim fyrr en 40 mínútum eftir að sýningin var búin

•         Elsku bestu mömmu minni tókst svo að úlnliðsbrjóta sig á sunnudaginn  Slæmt brot en sem betur fer vinstri hendin. Hún er nú svo rosalega mikil Pollýana að hún lítur bara á björtu hliðarnar á þessu öllu saman, hún skallaði ekki með hausinn í og þetta er vinstri hendin, þá er þetta bara allt í fína. Ætlar bara að nota tækifærið og fara í megrun fyrst hún hefur svona litla matarlyst  Við systurnar erum að stjana í kringum hana því það er ótrúlegt hvað maður er ósjálfbjarga með eina hendi. Við opnum krukkur og skerum vikuskammt af grænmeti fyrir hana. Svo ætlaði ég að ná í hana á fimmtudaginn því hún átti að fara í skoðun uppá spítala. Haldiði að lögguand%/(&hel/(#/$(/ hafi ekki tekið mig  Ég var á 77 þar sem var 50 hámark Ég var bara að verða of sein að ná í mömmu og það var enginn bíll í 100 km radíus !!! nema löggan..... Já maður á að láta sér þetta að kenningu verða, enda er ég bara búin að lúsast áfram eftir þetta.

•         Það er orðið daglegt brauð hjá okkur að elta mýs hér út um alla íbúð. Þær eru orðnar asskoti klárar í að stinga af úr búrinu. Við ætlum að setja glerbúr inní kanínubúrið svo þær geti ekki prílað svona upp rimlana. Glerbúrið stendur hér á eldhúsborðinu og við bíðum bara eftir að kíttið þorni, vonandi sem fyrst – það er hálf þreytandi að elta þær svona. Annars eru þær svo forvitnar að þær fara ekki í nein horn eða undir rúm eins og önnur dýr, en þær eru svo rosalega snöggar að forða sér undan höndunum að það er meira en að segja það að ná þeim.

Jæja, þetta er komið gott í bili. Ætla að gera grjónagraut handa kjúklingnum mínum og súkkulaðibúðing í eftirrétt, uppáhaldið hans

Vona að þið hafið það gott !

-rannsa-

Hvar á ég að byrja...... 

Mýslutíslur hafa það voða gott hérna í kanínubúrinu Búrið er reyndar ekki alveg nógu heppilegt þar sem þetta eru STÖKKmýs og þær geta því stokkið upp í rimlana og beinustu leið út ! Við erum búin að sérpanta gler sem Grétar ætlar að kítta saman og setja inn í búrið, þá fara þær ekki langt. Annars erum við aðeins að gæla við þá hugmynd að hleypa einni hérna inn í næstu íbúð og hlusta á viðbrögðin. Eeeeeeeen ætli maður yrði nokkuð vinsæll í blokkinni eftir það Kannski tek ég bara eina með í matarboð til mömmu...........eða ekki ! 

Þær eru voðalega sætar og litlar. Grétar á hann Viggó (skírður í höfuðið á Viggó viðutan, ekki yfirmanni mínum). Hann er svona “náttúrulegastur” af þeim, með þennan týpíska músabrúna lit eins og meirihluti fólks á Íslandi er með á hausnum (undir strípunum og litunum sko......). Hann er líka örastur af þeim – alltaf eitthvað að vesenast og var fyrstur til að fatta að það væri hægt að fara út um rimlana  

Gabríel á tvær mýs, Giggó og Spotta. Giggó er svolítið kvenlegur – ljósbrúnn og fínn og lætur eins og mamman í hópnum. Alltaf að rídekkóreita og gera fínt. Oftast inni í húsinu og er ekkert mikið á þvælingi. Það er líka auðveldast að halda á honum.

Spotti er villingurinn í hópnum, er silfurgrár og sá eini sem er búinn að bíta Gabríel (held reyndar að litlar hendur hafi haldið aðeins of fast). Hann er mjög forvitinn og alltaf fyrsta nefið til að kíkja út um húsið.

Prinsessuna í hópnum á svo ég Hún er alveg eins og Spotti á litinn og heitir Heiða. Það er reyndar svolítið erfitt að þekkja þau í sundur – það þarf alltaf að lyfta upp á þeim skottinu og kíkja Ég er að vona að það komi eitthvað kennileiti á annað hvort þeirra þegar þau stækka. Heiða og Spotti virðast vera voða góðir vinir, svona eins og tvíburar. Þau eru alltaf að nudda saman nefjunum og elta hvort annað.

Eins og sést hef ég eytt miklum tíma í að horfa á þær. Það er ótrúlegt hvað það er gaman ! Ég er farin að taka mýsnar fram yfir sjónvarpið, þær eru alltaf eitthvað að bralla. Eina stundina gera þær eitthvað kjánaleg, hoppa t.d. í hringi, þá brosir maður út í annað, svo er maður gapandi yfir því hvað þær eru klárar, t.d að fatta rimlana og svo skellihlær maður þegar þær festast inní klósettrúllu, fara öfugar til baka og koma púffaðar út

Næsta mál á dagskrá er að temja þær. Það er víst ótrúlega auðvelt að kenna þeim ýmsa hluti og venja þær við mannfólkið. Reyndar eru rotturnar enn auðveldari þegar kemur að þessum málum en ég veit nú ekki hvað hún elsku mamma myndi segja ef ég fengi mér eitt stykki svoleiðis

Í gær var sorgardagur í Fögruhlíðinni. Subaruinn dró síðasta andardráttinn og fékk sína hvíld hjá Vöku  Hann fær vonandi nýtt líf sem varahlutur í einhverjum svakalegum kagga  En maður kemur í manns stað eða þannig........kannski frekar hjól kemur í bílsstað ? Við keyptum nefnilega nýtt hjól í dag. Grétar fær það verkefni að hjóla í vinnuna þar sem hann er ekki nema 10 mínútur að því. Það er ekki möguleiki að ég reyni eitthvað þvíumlíkt nema með sjálfsmorðsbréf í vasanum !

Ég ætla reyndar að athuga þann möguleika að taka meira strætó. Ég hef ekki tekið strætó síðan í grunnskóla, þegar strætó var mitt annað heimili. Ég gerði mjög heiðarlega tilraun í dag þar sem Grétar þurfti að nota bílinn.

Úff......ég fæ nú bara hroll við það að rifja þetta upp

Ég byrjaði á að labba út að heiman, líta til beggja hliða og sé að það er jafnlangt í strætóskýlin beggja megin við blokkina. Ég með minn valkvíða gat ekki með nokkru móti ákveðið í hvort strætóskýlið ég ætti að labba (ég veit ég veit.......weird ). Tók þarna nokkur hægri vinstri hliðarspor og gekk svo í áttina að öðru þar sem ég sá fram á að missa af strætó ef ég herti mig ekki upp ! Jæja, strætóinn kom og ég fór inn, bauð góðan daginn, setti peninginn í baukinn og bað um skiptimiða. Mér fannst bílstjórinn vera heldur kaldur þar sem hann sagði ekki neitt. Ég hélt að hann yrði svo glaður að hafa loksins farþega í strætónum sínum (ég var ein í þessum strætó allan tímann).

Eftir smá rúnt í hverfinu fer hann á skiptistöðina og ég geri mig klára í að fara út. Ekki opnast dyrnar að aftan en fólkið byrjar að streyma inn í vagninn að framan. Ég kallaði hátt og skýrt “viltu opna að aftan” ! Ekkert svar, ég kalla aftur “viltu opna að aftan til að hleypa mér út” ! Þegar ég sé að hann kippir sér ekkert upp við þetta fer ég að labba á móti straumnum sem er að koma inn í vagninn. Þá heyri ég hann tala eitthvað hrvatska mál við einn farþegann. Ok.....semsagt ekki Íslendingur og skildi þar af leiðandi ekkert af því sem ég sagði (útskýrði non-almennilegheitin þegar ég kom í vagninn) ! Þarna var ég orðin frekar pirruð og gaf hrvatska farþeganum gott olnbogaskot þegar ég reyndi að ýta honum frá hurðinni.

Í því sé ég vagninn minn renna ÚR hlaði !

GREAT 

Ég hafði misst af helv.... vagninum af því að maðurinn gat ekki drullast til þess að opna hurðina að aftan ! Þetta þýddu auka 20 mínútur af gleði !

Þegar vagninn minn kom loksins stóð ég alveg upp að honum til að vera viss um að verða fyrst inn, meikaði ekki meiri vitleysu. Ég fékk mér sæti hjá afturhurðinni til þess að geta verið fljót út úr þessu gula skrímsli. Ég settist við gluggann og setti töskuna mína í sætið við hliðina á mér þar sem ég vildi helst fá að sitja ein.

Set það núna í ATH listann hjá mér að setjast næst í sæti sem er eitt !!!! 

Það kom allskonar fólk í vagninn, mér leið eins og í barnasögu þar sem alls konar karakterar eru taldir upp. Þarna var síðhærði maðurinn í málnlingarfötum með buxurnar girtar upp fyrir brjóst, rokkarinn með þungarokkið í eyrunum sem ómaði um allan bílinn, pólski dósasafnarinn með 5 poka af dósum, hrvatska konan með þunna hárið og hrvatska dagblað, tælenska fiskvinnslukonan sem þurfti endilega að setjast fyrir aftan mig (mér var hálf óglatt allan tímann) og gamli maðurinn sem stóð varla í fæturna, í ósamstæðum jakkafötum og settist hjá tælensku fiskvinnslukonunni þrátt fyrir helling af lausum sætum 

Til þess að toppa þetta allt kom strákur inn, svona sirka á mínum aldri. Ég sá að hann horfði strax á mig, labbaði upp að mér, klessti nefinu á sér svona 3 cm frá nefinu mínu og sagði (mjög andfúll) “IS THIS SEAT RESERVED” ??? Ég fattaði að hann væri eitthvað þroskaheftur þegar ég sá sleftaumana leka út um munnvikin hjá honum ! Ég benti honum mjög vinsamlega á að það væru fullt lausum sætum annars staðar í strætónum. Úff, hann var svo áhugasamur um mig að mér hefði ekkert brugðið ef hann hefði faðmað mig  En hann fann sér sæti hinu megin við ganginn og horfði á mig þangað til ég fór út ! Og guð minn góður hvað ég var fegin að komast út. Ég var farin að halda niðri í mér andanum og fékk svona *phhuuuhhh* tilfinningu þegar ég fékk ferskt loft.  

Ég komst nú samt á leiðarenda, 250 kalli fátækari og reynslunni ríkari

Jæja, er þetta ekki orðinn ágætis pistill ?? Kannski heldur langur.......

Er hætt í bili !

Elskiði friðinn og strjúkið kviðinn

-rannsa-

Jæja, það eru komnar 4 stökkmýs í Fögruhlíðina. Giggó, Viggó, Spotti og Heiða

Langaði bara að segja ykkur frá því

Meira um þetta seinna, er að fara í skólann.

Ég fór á an Inconvenient truth á fimmtudagskvöldið. Mér leið eins og í vistfræðitíma en mjög góð mynd samt ! Góð samantekt á mjög þörfu umræðuefni. Aðal sjokkið í þessari mynd eru þær staðreyndir að það sem allir héldu að myndi gerast á hundruðum ára er að gerast næstu 30-50 árin – ef allt verður óbreytt  Mannfólkið þarf greinilega að taka höndum saman og minnka þessa CO₂ losun út í umhverfið. Við Grétar ætlum að henda gamla Subarunum á morgun og Inga Dóra systir mín ætlaði að gróðursetja tré ! Þá erum við búin að leggja okkar af mörkum í þessari baráttu – hvað ætlar þú að gera ???

Í gær fór Gabríel í afmæli í Veröldinni okkar í Smáralind. Það var í tvo tíma þannig að ég “varð” að hanga í Smáralind á meðan – aumingja ég  Þegar leið á tímann fattaði ég að Gabríel yrði búinn að borða kvöldmat þegar við kæmum heim. Þá fékk ég hugmynd að rómantískum kvöldverði fyrir okkur skötuhjú. Ég fór í Hagkaup og keypti dýrindis lambakjöt og endaði svo í ríkinu og keypti eina rauðvínsflösku ! Þetta heppnaðist svona líka vel, Grétar grillaði lambið og ég gerði gratín kartöflur og ferskt salat með feta

Við vöknuðum við símann hans Grétars í morgun klukkan 8 ! Það var Jónas vinur hans á leiðinni í jeppaferð og bauð Grétari með. Hann rauk á fætur og dreif sig í jeppatúr með 52 jeppum

Við Gabríel höfðum þá daginn út af fyrir okkur og notuðum hann aldeilis vel. Ég þurfti reynar að byrja í skólanum en Gabríel dundaði sér í tölvunni þar á meðan ég kláraði. Svo lá leiðin á dýrabúðarúnt. Nýjasta nýtt er að Gabríel langar í stökkmús. Ég er ennþá aðeins að melta það, veit ekki alveg hvað mér finnst um það að hafa mús á heimilinu (sérstaklega þegar ég er að pína þær í skólanum)  Svo verð ég alltaf veik og kikna í hnjánum þegar ég sé þessar agalega sætu kanínur ! Ég veit ekki hvernig þetta endar ??

Eftir þrjár dýrabúðir fórum við í Kringluna og keyptum úlpu, snjóbuxur, húfu, vettlinga og trefil fyrir veturinn. Verðlaunin fyrir mjög MJÖG auðvelda Kringluferð (það er ekki einu sinni hægt að líkja þeim feðgum saman – Grétar tók heilan dag í þetta og fór í allar búðirnar, það var allt ómögulegt. Gabríel var í 10 mín og eina skilyrðið sem hann setti var að þetta varð að vera í FH litunum !) var bíóferð. Við fórum á nýja mynd sem heitir Óbyggðirnar (eða the Wild held ég á ensku). Hún var sossum ágæt – betri en Maurahrellirinn en ansi lík Madagaskar. Aumingja teiknimyndaframleiðendurnir að þurfa að hafa svo frjótt ímyndunarafl að þurfa að skipta um dýrategundir í hverri mynd. Það klikkaði eitthvað aðeins þarna

Eftir bíóið fórum við heim og vorum akkúrat á sama tíma og Grétar og Jónas. Þeir ætluðu að skella sér í sund og við ákváðum bara að fara með þeim. Fórum öll fjögur í Laugardalslaugina og svo heim í mat. Hér liggjum við svo þrjú (ég, Grétar og Jónas) afvelta í sitthvorum Lazy boy-num, þeir að horfa á sjónvarpið en ég að skrifa þetta !

Nú verð ég víst að játa mig sigraða fyrir augnlokunum mínum og fara að leggja mig

Vona að þið hafið það gott !

Grétar var að koma inn úr dyrunum fyrir klukkutíma og aðra eins munnræpu hef ég ekki heyrt ! Hann hefur ekki stoppað ! Var að koma úr bíó, af myndinni Inconvenient truth. Hann er næstum búinn að henda mér út hérna annað kvöld og skipa mér að fara í bíó, segir að það sé skyldumæting fyrir alla sem eru vísindalega þenkjandi og beri virðingu fyrir umhverfinu og sjálfum sér ! Það er víst ekki möguleiki að stinga höfðinu í sandinn – orðatiltækið “ég verð dauður áður en þetta gerist” er ekki lengur í boði !

Hver vill koma með mér í bíó á morgun kl. 20:00 ???

Þetta var svakaleg helgi.......

Byrjaði á föstudeginum þar sem ég og Grétar náðum að taka alla íbúðina í gegn, meira að segja heljarinnar skipulagningu inní skápum

Svo var smá partý hjá mér um kvöldið – sem færðist reyndar á annan stað seinna um kvöldið og endaði svo í bænum ! Við Grétar komum heim um 5 leytið og ég var svo dregin (sjálfviljug reyndar) í sund með systrum mínum í hádeginu á laugardag. Fór svo aðeins á kaffihús með Heiðu og skvísunum hennar Ingu Dóru og dreif mig svo í skólann. Klukkan var að verða 5 þegar ég loksins gat drullað mér heim úr skólanum  Þá var matur hjá mömmu. Eftir mat ákváðum við systurnar að halda Sing star partý heima hjá mér. Við átum snakk, drukkum bjór og sungum og sungum þar til röddin fór að gefa sig  Ég veit ekki hvort ég eigi eitthvað að vera að monta mig af úrslitunum. Segi bara að við hjónaleysan vorum á sitthvorum pólnum – og getiði nú

Sunnudagurinn var svo aldeilis vel nýttur ! Já, undur og stórmerki gerast enn

Við Grétar fórum með bílhlass á Sorpu eftir tiltekt föstudagsins og eftir það náði ég að draga hann í Kringluna (það gerist svona einu sinni á ári)  Ég nýtti mér það í botn og dressaði kallinn almennilega upp. Verlsunarleiðangurinn endaði svona:

2 pör af skóm

2 peysur

1 gallabuxur

1 belti

1 skyrta

og sundskýla á Gabríel

Ég trúði ekki mínum eigin augum þegar ég horfði á Grétar halda á öllum þessum pokum eftir dagsafrekið

Enduðum svo daginn á að sækja Gabríel til afa síns, þar sem hann hafði verið alla helgina, og skelltum okkur í bíó. Maurahrellirinn varð fyrir valinu (af tvennu illu var það nú skárra en Grettir 2). Ekkert svakalega skemmtileg mynd  Nákvæmlega ekkert fyndin en samt góður boðskapur í lokin......

Jæja, ætla að drífa mig heim – er búin að vera í skólanum í allan dag. Einhver mygla að hrella mig hérna. Er víst búin að vera algjör plága síðan líffræðin flutti í Öskju. Það er greinilega ekki allt sem sýnist – þó það sé voða fínn marmari á gólfinu og allt voða stílhreint þá liggur einhver mygla hérna í loftræstikerfinu.

Þoli ekki arkitekta

Jæja, ég hendi inn nokkrum línum áður en Magnavakan hefst

Maður verður víst að láta vita af sér öðru hvoru. Heiða systir mín segist engar fréttir fá að vita af mér nema lesa bloggið mitt !

Annars er voða lítið að frétta núna  Gabríel er orðinn hress og farinn í skólann aftur. Honum fer þvílíkt fram þar, skrifar alltaf betur og betur (eða vandar sig meira  ) og er kominn með frekar þungar lestrarbækur.

Mér fer líka fram í mínum skóla Á samt fullt eftir að læra – en það kemur með tímanum. Ég er allavega búin að koma með nokkur innlegg í þetta verkefni sem meika meira sens en það sem kennarinn segir (og hún viðurkennir það meira að segja). Svo er ýmislegt gagnlegt sem fylgir mér frá Umhverfisstofnun sem ég reyni að troða inn á rannsóknarstofuna í Háskólanum – það tekur bara tíma að ala þau almennilega upp þarna  

Við Marta María fórum líka í fyrsta verklega tímann okkar í Tilraunadýrum í gær ! Það var nú ansi skrautlegur tími  Veit ekki hversu nákvæm ég á að vera á lýsingunum en í stikkorðum var hann sirka svona:

-          hvítar litlar mýs í búrum

-          teknar upp á skottinu, kramdar niður við búrið og tekið um hnakkadrambið á þeim

-          sprautaðar í skottið, hnakkann og kviðinn

-          tekið blóð úr hjartanu

-          haldið í skottið, penni ofan á hálsinn og slíta !

-          kviðurinn ristur upp og öll líffærin tekin út

 Svo bara þvoðum við okkur um hendur og ég fór heim og borðaði pizzu ! Frekar súrt

Annars er voða lítið á döfinni fyrir utan partý ársins á föstudaginn

Solla mín – hvernig er stadusinn á UST liðinu ??

Ég er búin að tala við Rósu og hún er laus og liðug  Enda sagði hún að það yrði ekkert partý án hennar

Jæja, ég næ að smella mér í snögga sturtu áður en sjónvarpsglápið hefst. Er það svo ekki bara snakk í skál og huggulegheit ?

Áfram Magni

-rannsa-

Þá er ég aftur lögst í veikindafrí, nema að þessu sinni er það ekki ég – heldur Gabríel. Hann fór á landsleikinn í gær með fótboltaliðinu sínu, rosa stuð en því miður kom hann heim hálf slappur og kvartaði undan hausverk (sem gerist næstum aldrei). Hann lagðist eiginlega strax í rúmið og vildi fara að sofa. Greyið kallinn

Þetta er nú meiri pestin sem er að ganga ! Ég var kölluð í útkall á rannsókn í gær þar sem þau voru bara tvö eftir þar. Restin var veik eða í fríi. Það var reyndar soldið mikið að gera hjá mér í skólanum en ég gat rétt kíkt við og tekið nokkur sýni !

Verkefnið mitt er aðeins komið af stað. Mér finnst samt óþolandi að vera svona háð kennaranum mínum. Ég get ekki gert nokkurn skapaðan hlut án þess að tala við hana, eða jafnvel láta hana standa yfir mér  Get ekki beðið eftir að komast betur inn í þetta allt og geta farið að vinna sjálf í þessu og skipuleggja mig. Eins og er, er ég aðallega að læra á öll tækin þarna og hvar allt er. Svo fer ég einn dag upp á Prokaria að læra á tæki sem enginn í Háskólanum kann á  Samt á Háskólinn þetta tæki ! 

Jæja, ætli maður verði ekki að gera eitthvað af viti hérna heima ! Ég hef um þrennt að velja......lesa vísindagreinar, brjóta saman þvott eða baka handa sjúklingnum !

Hmmmm............baka

-rannsa-

Jæja, þá er fyrsti almennilegi skóladagurinn – þessa önnina – búinn !

Byrjaði á Tilraunadýrum og vísindarannsóknum í mjög mjög mjög gamalli stofu í Aðalbyggingunni. Ég þorði varla að setjast á stólinn / bekkinn því mér leið eins og á Þjóðminjasafninu ! Það vantaði bara “vinsamlegast snertið ekki” miða á þetta allt saman ! Pínulítil breyting frá nýtísku dótaríinu í Öskju

Allavega......tíminn leggst bara vel í mig, skemmtilegt efni og mjög áhugaverðir verklegir tímar sem snúast helst um mýs, rottur, marsvín, kanínur, fiska, hross, sprautur og mannúðlega aflífun (það er til)

Svo voru það Aðferðir í sameindalíffræði. Sá kúrs fer nú heldur rólega af stað – ég er nokkuð pottþétt á því að það sé aðeins lognið á undan storminum

Þetta verða einu kúrsarnir sem ég verð í þessa önn, voða þægilegt  en masterinn tekur nú sossum ekkert lítinn tíma. Ég fór og hitti Evu (masters-leiðbeinandann minn) í dag og við byrjuðum að skipuleggja á fullu. Mér líst bara vel á þetta og langar að spóla nokkrar vikur fram í tímann og vera komin vel af stað í þessu öllu saman. Núna þarf ég að læra á allt þarna uppi í skóla, rannsóknarstofuna, tækin og þ.h. Mér líður hálfpartinn eins og lest með þungt hlass sem þarf að koma sér af stað

Annars er bara allt gott að frétta úr Fögruhlíðinni. Það er alltaf gleði hjá Grétari þegar haustið kemur og hann verður hoppandi kátur þegar veturinn brestur á – stjörnuskoðunartími  Það er ótrúlegt hvað hann þolir að standa grafkyrr úti í kuldanum lengi ! Ef ég kíki út á svalir til hans er ég farin að hoppa og skoppa eftir 10 mín. en þá er ég víst að eyðileggja allt. Minnsti titringur og allt ónýtt ! Þannig að ég held mig nú bara inni oftast

Gabríel stækkar og stækkar og ég sé hann sjaldnar og sjaldnar. Mömmur eru sko ekki “inn” þegar maður er að verða 7 ára ! Mömmur vita ekki hvað Star Wars kallarnir heita og þær kunna ekki á playstation tölvu ! Glatað.....

Ennþá lasin

Þurfti samt að skreppa í einn tíma í skólanum í dag, fyrsti tíminn í Aðferðum í sameindalíffræði.  Leit ágætlega út þangað til EINI skiptineminn í hópnum bað um að fyrirlestrarnir yrðu á ensku ! Djös...... þetta er nú alveg nógu erfitt á íslensku sko  

Annars er ég í þessum skrifuðu orðum að horfa á Rockstar Supernova. Magni er aldeilis að massa þetta þarna úti  Ég og Grétar höldum nú samt að Toby taki þetta að lokum. Storm er ekki nógu góð söngkona, Lucas er nú bara eitthvað frík, Magni á bara að vera hjá fjölskyldunni sinni, passar ekkert inn í þennan rokkheim og fröken regnbogahár er aðeins of mikil dramadrottning  Eruðiggisammla ??

Jæja, ég ætla að taka nýþvegnu rúmfötin mín inn af svölunum og sofna vært í svona “útilykt” mmmmm........... 

-rannsa-

Þá er ég bara lögst í rúmið  með kvef út í geim, hálsbólgu dauðans og dúndrandi hausverk, svitna og skelf til skiptis og hnerra svona skrilljón sinnum á dag – og alltaf fjórir í einni bunu !

Þrátt fyrir þessi veikindi náði ég að undirbúa smá surprise fyrir Grétar í gær. Hann átti nefnilega afmæli – varð 26 ára kallinn

Þetta byrjaði allt á sunnudaginn, við komum heim úr sveitinni og Gabríel fór beint í afmæli til bekkjarbróður síns. Ég skutlaði honum og kom við í blómabúð á leiðinni heim. Þar pantaði ég blóm og bað þær um að sendast með vöndinn í vinnuna til Grétars daginn eftir. Ég var ekkert búin að nefna afmælið hans og lét eins og ég væri búin að gleyma því. Hélt því áfram morguninn eftir (á afmælisdaginn) og forðaðist hann eins og heitann eldinn. Þóttist vera ofsalega þreytt og fór því ekki fram úr rúminu fyrr en hann var farinn í vinnuna (án þess að fá afmæliskveðju eða koss). Seinna um morguninn fékk ég sms: “ertu ekki að gleyma einhverjum” ? Þá fór hjartað í mér heljarstökk  ég hringdi eins og eldibrandur í blómabúðina og laug að þeim að Grétar væri að fara á fund kl. 11 og blómin þyrftu að fara NÚNA ! Tíu mínútum síðar hringir Grétar í hláturskasti með blómvöndinn í fanginu og búinn að fatta plottið  Allir kallarnir í vinnunni hópuðust í kringum hann og öfunduðu hann af því hvað hann ætti góða konu

Þegar hann kom heim biðu 5 pakkar eftir honum frá mér og Gabríel og mamma kom svo með rós og gjaldeyri og smellti á hann afmæliskossi. Seinna um kvöldið hringir dyrabjallan og þar var barnapían mætt (sem Grétar vissi ekki um). Ég bað hann að klæða sig í fínni föt og keyrði svo af stað með hann út í buskann. Þessi buski endaði á Lækjarbrekku þar sem við eyddum kvöldinu tvö ein  Grétar fékk sér hörpuskel í forrétt en ég humarsúpu, svo fengum við okkur bæði nautapiparsteik í aðalrétt og agalega gott rauðvín með. Eftir þetta lágum við afvelta og gátum ekki einu sinni hugsað um eftirrétt (ég sem fæ mér alltaf eftirrétt).

Vel heppnaður afmælisdagur, þó ég segi sjálf frá

Jæja, ég ætla að ná þessari pest úr mér – má ekkert vera að þessu ! Síðasta vikan í vinnunni og skólinn að byrja !